CARACAS, Venezuela- Policlinica Metropolitano a wordo ataca cu bombnan lacrimogeno pa funcionarionan di e Guardia Nacional Bolivariano (GNB). E hecho a wordo denuncia door di e diputado di e Asamblea Nacional (AN), José Manuel Olivares, for di Caurimare, naLos Ruices.
E parlamentario atrabes di Periscope a rechasa cu funcionarionan a drenta den e clinica tirando balanan di rubber y bombnan lacrimogeno den e clinica.
Cerca di e centro di salud tabata tin un grupo di persona pa participa den e mobilisacion di dia convoca door di e Mesa pa Unidad Democratico (MUD) como protesta pa e eleccionnan di e Asamblea Nacional Constituyente, pero esaki a wordo reprimi door di efectivonan di e GNB.
Olivares a denuncia cu funcionarionan militar a desplasa riba brommer y a horta for di manifestantenan cu tabata na e luga. “Nan a horta hendenana muhe, nan bay cu por lo menos 30 celular y 20 cartera”. El a bisa tambe cu tin mas o menos 15 persona herida y varios otro deteni.
“Esaki ta un Guarida Nacional cobarde, violento, nan a cumisna horta como cualkier otro ladron”, e diputado a sigura for di e distribuidor di Los Ruices, unda cu el a manifesta cu e “represion y odio a manifesta su mes”.
Di mes manera el a informa cu e forsanan di siguridad di Estado a bandona e luga pero ainda por a skucha explosionnan den vecindario.
E diputado, kende ta un oncologo, a informa cu meneer di 82 aña a resulta herida pa un bala di rubber cu a dal den su cara.
Fuente: http://www.eluniversal.com/noticias/politica