TECNOLOGIA
Un muhe Mericano yama Amber Petersen a denuncia a traves di su profile di Facebook cu e avatar virtual di su yiu muhe di 7 aña riba e plataforma di videogame Roblox a sufri un violacion virtual den grupo. Durante esaki, e representacion grafico di un penis tabata visibel.
E hecho a crea un polemica y a sacudi e opinion publico tocante e tipo di plataforma virtual y e limitenan di decencia y e etica di uzo.
E menor, cu tabata hungando Roblox riba un tablet, a mustra su mama e pantaya, mientras cu e indicente tabata tumando luga. “E avatar sweet y inocente di mi yiu muhe tabata wordo viola den grupo pa e dos avatarnan masculino”, e mama ta splica. “Un di tres personahe femenino a yega cerca di e escena y a bula ariba e avatar ora cu e violacion a termina. Tur tres a huy for di e pantaya, lagando e avatar boca abao tira den un zona di weganan infantil”.
Segun Petersen a splica, Roblox ta un plataforma parecido na Minecraft. E ta dirigi ariab muchanan desde 7 aña y ta permiti nan pa construi un mundo virtual y interactua ‘online’ cu otro usuarionan.
E mama di e mucha a inclui varios screenshot di e incidente den su post ariba Facebook. Den un di nan por wak claramente con un avatar ta pone un representacion grafico di un penis mei mei di e pianan di e mucha, cu ta rondona pa dos otro figura.
E corant Daily Mail a publica declaracionnan di e vocero di Roblox, cu ta lamenta cu e incidente a tuma luga a pesar di e vigilancia permanente di e moderadornan di e plataforma. “Nos a tuma nota di e accion ofensivo di e usario malhechor aki y nos ta estableciendo medidanan adicional pa reduci e posibilidadnan di cu esaki tuma luga atrobe”, e vocero ta splica.
E usuario responsabel di e incidente a wordo identifica y expulsa pa semper for di e plataforma. “Nos tin cero tolerancia pa e tipo di actitudnan aki”, vocero di Roblex a sigura.