“Dalai Lama”, di 87 aña, lider spiritual a pidi despensa despues cu a pidi un mucha homber haci algo indecente cu su lenga. Un video a cuminsa bay rond unda cu e Dalai Lama ta pidi e mucha homber aki pa “mishi lenga cu lenga” publicamente despues cu e mucha homber a pidi pa un brasa.
E Dalai Lama ta pidi despensa na e mucha homber y tambe na su famia completo y na amigonan rond di mundo pa e palabranan doloroso cu e lo a bisa. E video aki a yega 1 miyon views ariba e plataforma di Twitter unda cu por mira tambe cu e la medio sunchi e mucha na su boca y por scucha publico aplaudi y tambe na harimento, pero varios persona por cierto no a gusta esaki.
E Dalai Lama aki cu a huy pa India den 1959 despues di un fracaso contra e gobierno di China den e Tibet, ta considera como un separatista peligroso dor di Beijing. Aworaki e ta biba den un compleho banda di un tempel rondona di seronan berde den e ciudad di Dharamshala na Nort India.
Splicacion di Dalai Lama: Dalai Lama ta un titulo duna dor di e habitantenan di Tibet na e lider spiritual di e “Gelug of Yellow Hat” scol di e religion Budismo.