POH cu un serie di programa na television

Den un entrevista cu Sra Jasmira Croes Mora, coordinador di POH el a elabora encuanto un
serie di 4 programa na television pa splica tocante e trabou di un POH esta un Praktijk
Ondersteunend Huisartsenzorg. E serie di programa ta en conexion cu WGK su celebracion
di 60 aniversario y cu AZV lo financia esaki. POH a cuminsa na 2012 door cu tin un
necesidad pa traha cu patient cu diabetes. Na cada dokter di cas a pone un enfermero cu ta
specialisa pa trata e malesa cronico di diabetes. E tabata un proyecto piloto. Na 2014 a
alarga e proyecto, e tempo ey tabata tin 6 POH. Na 2016 POH a bira un sistema fiho y no un
proyecto mas. E tempo ey a cuminsa duna les y busca mas enfermeronan den e ramo di
diabetes.
Te cu awo tin 32 POH y 13 POH haciendo nan estudio. E meta ta pa tur dokter di cas tin un
POH pa asisti’e cu e patientnan cu diabetes y tambe e patientnan cu problema
cardiovascular. Den e programa di television lo entrevista patientnan y haya sa con e
experiencia tabata cu un POH. Lo entrevista dokter di cas cu lo papia di e trabou di un POH
y tambe lo entrevista algun POH y nan lo conta di nan rutina diario cu e patient.
E prome programa lo cuminsa na TeleAruba diadumingo awo pa 10’or di anochi y lo ripiti e
programa diaranson. E programa ta pa grandi y chikito.
Dokter di cas y AZV tuma nota cu hopi patient a baha peso y a cuminsa uza nan remedinan,
paso nan a realisa con importante esaki ta pa nan salud cu e guia y sosten di un POH.

Comments

comments