Biblioteca Nacional Aruba conhuntamente cu Lily Clarisa ta organisa un Poetry Showcase. Participantenan di e workshop di poesia lo declama poema cu nan mes a skirbi den ultimo simannan. E workshop tabata bou guia di docente y poeta Lily Clarisa Henriquez. E presentacion na Ingles ta tuma lugar na biblioteca na Playa diaranson awor dia 6 di december di 7or pa 8or y mey.
Durante 4 sesion Lily Clarisa Henriquez a cubri diferente tema y poesia di poetanan famoso y diferente estilo, Participantenan a practica basta intensivo cu skirbimento di poesia y nan ta cla pa presenta algo diferente y special na publico. Tur hende ta bon bini. Entrada ta gratis.