Mi carni ta fragil mi dolor ta inmenso
ta busca refugio cu un miedo intenso
no tin caminda pa core pa berguensa
tampoco rabia, pasobra ta un ofensa.
Tur dia traha den cas dilanti un stoof
no tin descanso den bata i na pia slof
drumi lat pa laga tur cos bon ordena
asina ta e bida pa no wordo condena.
Otro ta enfrenta un burdugo den cas
un homber abusador i ofende di mas
den hende ta cana cu e mascara bisti
e homber fiel cu un aire di por resisti.
Muhernan balora boso mes bisa stop
sin bo presencia e hombernan ta flop
no wanta abuso habri boca i denuncia
bo tin derecho ta felis sin su presencia.
Muhernan lucha sea vencedor di bida
Dios a duna e lus pa guia bo caminda
no pensa riba luho o placa i biba bon
esei lo caba i pa morto no tin pordon.
Mira bo cara den spiel i sinti e muher
un dia a presenta declara como deber
di wordo respeta, stima dune su balor
como muher, esposa, amiga cu Amor.
Autor : Omaira I.Rodriguez-Britten