HAARLEM, Hulanda – Un poesia skirbi na man di Anne Frank a wordo bendi na 140 mil Euro den un subasta diaranson. A spera cu e texto aki lo a genera 30 of 50 mil Euro. Cas di subasta, Bubb Kuyper na Haarlem a subasta e poesia di diesdos regel. Ken a cumpre, no a keda conoci.
Ta peculiar cu un manuscrito di Anne Frank a bin riba mercado. E texto aki ta bin for di e album di poesia di Christiane van Maarsen (1927-2006), e ruman muhe mayo di Jacqueline van Maarsen, e miho amiga di Anne.
Anne, di 12 aña e tempo ey, a skirbi e poesia na “Beste Cri-Cri”, riba dia 28 di Maart 1942, algun luna prome cu famia Frank a sconde den e Cas Patras (“Het Achterhuis”).
E poesia ta asina aki: “Bo no a haci bo trabao bon, a perde tempo valioso, coy e trabao bek, miho cu prome. Si otronan a fayabo, si nan a hacibo malo, percura pa abo haci lo miho, esey ta e contesta duna.” Anne a firma abao cu “Ter herinnering aan Anne Frank.”
Fuente: Nu.nl