Cindy Kelly Mathilda, directora di Asociacion Trabao di Hubentud na Aruba (ATHA), a splica riba desaroyonan y plannan cu nan ta trahando riba dje pa nos hobennan.
ATHA a tene un Algemene Ledenvergadering den luna di Mei den cual a reuni cu tur su miembronan, kendenan a wordo informa di tur loke a sosode e aña anterior y kico tur ta e plannan pa 2018. Ademas, e directiva nobo a wordo scogi den e ocasion aki. Pa temporada di vakantie, ATHA ta duna sosten na su miembronan pa e parti financiero, caminda nan ta acerca diferente fondonan di Hulanda. Un total di 30 grupo di campamento ta conta cu sosten financiero di ATHA. Na September, ta bolbe organisa e proyecto Poder di Hubentud, caminda lo pone enfasis riba e hobennan cu a destaca den 2018. Despues lo tene e accion den cual e hobennan lo bishita diferente casnan pa acerca famianan y comerciantenan pa bende carchinan di Pasco y carchinan di Aruba. Esakinan ta fondonan cu ATHA ta haci p’asina por realisa mas proyectonan y tambe sigui crece e desaroyonan di mucha y hoben na Aruba.
Sra. Mathilda ta splica cu e carchinan lo bay ta na benta, cual ta e fondonan cu nan ta genera pa bay bek den comunidad. E famianan y comerciantenan cu por aporta na e causa aki ta e mesun fondo cu ta bay bek na e mucha y hobennan. ATHA ta conta cu boluntarionan pa e proyecto aki y otro proyectonan. Esunnan cu ta desea di bira boluntario pa ATHA por acudi na nan oficina of via nan [email protected]