Despues di diamars, Rampenbureau a establece un liña di comunicacion cu ta bayendo hopi dificil pa por haya informacion na Aruba pa por notifica e team operacional cu lo wordo uza, segun Rino Hermans, director interino di e instancia. E ta sigui splica cu cuminsando cu Marina, tin afspraak ki oranan cu por comunica. Marina ta haci assessment, e ta mand’e Corsou, Corsou ta mand’e Aruba, Aruba ta mand’e pa Rampenbureau y for di eynan pa e diferente instancianan. Hopi famia ta yamando, mescos cu Cruz Cora cu nan kier contact. Nan ta estableciendo cu Radio Amateurnan cu ta hayando data di e famianan, pa nan por busca contacto manda. Diabierna mainta ultimo update ta cu nan ta lantando nan structura di comunicacion poco poco. Si tur cos bay bon, cu Jose no haci mucho daño, comunicacion entre famianan lo por wordo estableci mas pronto posibel.