Prome Minister di Aruba Sra Evelyn Wever Croes den conferencia di prensa a informa cu poco poco lo bay kita e lockdown, despues cu 13 di Maart a cera frontera. E mandatario a menciona cu a tuma hopi ora di reunion y deliberacion y a busca conseho tanto na Aruba y consehonan di Hulanda y varios conseho a keda haya y a sigui tur y cumpliendo cu tur a yega na conclusion cu Aruba poco poco por habri su fronteranan. Importante ta cu lo habri esaki den fase depende di cua pais, e prome ta 15 Juni lo habri, Aruba, Boneiro Curacao. 1 Juli ta habri Europa, Canada y Caribe pero cu excepsion Republica Dominicana y Haiti debi cu ainda e cifranan eynan ta bastante halto. 10 Juli lo habri pa Merca y eyan ta spera cu poco poco pa e pilar economico lo lanta cabes bek. No tin fecha pa habri Centro y Sur America debi cu mester keda monitoria e situacion di e virus na e paisnan aki.