Como Directiva di Plataforma Nacional Herencia di Sclavitud na Aruba, nos ta expresá gran aprecio pa tur esnan cu a contribuí pa 1 di juli 2026 a bira un dia historico.
Despues di algun encuentro y diálogo cu comunidad, cuminsamento di maart 2026 , directiva di PNHSA como parti di nos metanan, a dicidi di cuminza cu un campaña pa entrega un peticion forma pa gobierno decreta 1 di juli como dia oficial di conmemoracion.
Den apenas 1 siman PNHSA a logra di haña mas cu 300 firmanan di ciudananonan cu a sostené e peticion. Ariba
17 di maart 2026, directiva di PNHSA a entrega e peticion oficial acompaña cu e firmanan di cuidadano sostenedor na presidente di Parlamaento señor Marlon Sneek den presencia di parlamentaria señora Otami Thomasia.
Ya u ariba 1 di juli 1863 Rey Willm Tercero a decretal cu traficacion, benta y sclavitud di catibo Africano lo ser aboli den Reyno Hulandes.
Bou direcion di team di gobierno, un programacion protacolario a ser organisá for di 8.00 or te 11.00 or di mainta. Y den un acto protacolario, promer ministro Mike Eman a anuncia cu Gabinete y Parlamento unanimamente a dicidi cu 1 di juli lo ta un dia cu oficial cu anualmente lo ser comemora como dia di Emancipacion.
PNHSA a coordina dos evenemento den colaboracion cu We Culture y stg. Rancho.
18.00 or un marcha a sali dilanti di YMCA na San Nicolaas acompaña pa Caribbean Masters Brass Band y Mike’s Disco, pasando dor di Village y a yega den Carnival Village na unda es anochi festivo a cuminza cu canto, poesia, baile y Tsunami. Tambe tabatin vendeornan cu diferente cumindanan, bocadiyo, bebida fresco y acesorionan bon surti.
Directiva di PNHSA kièr gradeci Comunidad di Aruba p’e apoyo, presencia y participa na es evenementonan commemorative y festive den cuadro di 1 di juli 2026 dia di Emacipacion.