Entrante 1 di augustus proximo, e 64 ploegnan di Plan Bo Bario, cu actualmente ta cay bou di Serlimar, ora nan contract termina, nan lo bay over pa resorta bou di DOW. Minister Otmar Oduber ta splica mas di esaki.
Den pasado, parti di e acuerdonan tambe ta cu na momento cu ta bay pidi comunidad pa paga pa e tarifa aki, pa decision tuma den pasado, di pone casi 64 ploeg actualmente, cu ta costa ariba 7 miyon florin, den e 23 miyon ya menciona. Casi 7 miyon di esaki ta pa ploegnan di Plan Bo Bario cu e tempo ey a wordo poni na Serlimar, cu no ta un tarea principal di Serlimar, ya caba a tuma e decision cu lo termina e contract di e parti di e servicionan aki cu tabata wordo brinda pa Serlimar, cu nunca a wordo regla tampoco.
A pone ploegnan aki, pero nunca a duna e placa na Serlimar pa e ploegnan aki, cu a pone cu Serlimar a bay basta den rood, cu hasta trahadonan nan belasting y nan gastonan social no tabata wordo transferi pa e instancianan concerni. Entrante 1 di augustus, personanan cu tabata tin un contract cu ta finalisa door di e servicio no lo wordo brinda mas door di Serlimar, lo wordo brinda e posibilidad pa por forma parti di e ploegnan cu ta traha na DOW. E ora gobierno y DOW lo yega na e acuerdonan necesario, pa nan wordo tuma over na DOW, pa un control mas riguroso y eficiencia, como tambe productividad ta wordo brinda pa esunnan cu ta traha den e ploegnan aki. Cu esey ta hinca Serlimar bek den e presupuestonan di rond di mas o menos 16 pa 17 miyon florin pa aña. Dunanan oportunidad pa brinda mas servicio, pa tin inventario tambe di producto cu bo por ofrece, por subi na 19 mil florin pa aña.
Pero e combinacion di e cobransa social cu ta cuminsa entrante 1 di juli, combina cu e entrada di e sector comercial, cu mester bay regla, esey mester tuma luga a traves di ley, ya cu e no ta hinca den ley actualmente. Pero ta mas cu husto, cu esun cu mas ta importa, cu mas ta gana placa, cu mas ta bende, pa nan tambe paga, mescos cu e comunidad cu ta consumi e sushi y ta uza e cosnan aki, pa paga nos compania nacional di recogemento y maneho di sushi, Serlimar.