Reconociendo un trayectoria continuo den hospitalidad sobresaliente, Playa Linda Beach Resort recientemente a ricibi e prestigioso premio, “25-year RCI Gold Crown award”. Aruba su Playa Linda ta un di e unico dos hotel afilia cu RCI resorts den Caribe cu e ricibi e asignacion di honor aki, basa riba un cuarto siglo di dedicacion na ofrece servicio sobresaliente na cliente y ofrece huespednan acomodacion di calidad halto.
Durante un bishita recien, RCI Caribbean Account Executive Cherie Jeffries a comenda Playa Linda su Gerente General Peter van Grinsven y su staff pa nan compromiso extraordinario den provee experiencenan sobresaliente di vacacion. “Masha poco resort a logra e prestigioso premio aki cual claramente ta demostra Playa Linda su dedicacion na su propietario y huespednan di intercambio di RCI,” asina el a remarca. “Cumpli cu e normanan halto impone door di e programa ta yuda proba cu bo ta ofreciendo e nivel mas halto di calidad y servicio, y cu nos ta orguyoso di ta afilia cu Playa Linda Beach Resort.”
E premio ta parti di RCI® Resort Recognition Program, celebrando 25 aña di honra resortnan afilia cu consistentemente ta surpasa expectativa di bishitante. RCI, e lider mundial den intercambio di vacacion, tabata e prome pa pone normanan di calidad pa e industria di intercambio di vacacion na momento cu a lansa e programa na 1992. Hotelnan afilia ta ser evalua di acuerdo cu feedback duna tocante di acomodacion, hospitalidad y experiencia na miembro. RCI su programa lider ta otorga premio na e resortnan cu miho evaluacion. Unicamente e e propiedadnan cu e nivelnan di mas halto di excelencia ta ser considera pa e reconocimento aki.
Aceptando e codiciado premio, Gerente General di Playa Linda Beach Resort Peter van Grinsven a comenta, “riba varios diferente frontera, e ta un esfuerso di nos miembronan cu ta sostene rond tras rond di iniciativa y mehoracion continuo, esnan cu ta intercambia y huespednan cu ta duna nos feedback y nos empleadonan, kende nan habilidad hospitalario y den semper duna 100% na pia di trabou, ta yuda nos sobresali.” El a agrega, “Nos ta orguyoso di accepta e asignacion, un biaha mas, como un a “RCI Gold Crown” resort, y tin tur intencion di sigui marca puntuacionnan halto pa hopi aña mas nos dilanti.”
Riba potret: Gerente General Peter van Grinsven, hunto cu miembronan di team, Front Office Assistant Manager Junior Violenus, Concierge Yvette Tromp, Executive Housekeeper Ingrid Todd, Hospitality & Guest Relations Manager Pauline Dijo y Human Resource Manager Sulaika Kelly, a accpeta e prestigioso premio “25th year Gold Crown award” di RCI Caribbean su Account Executive Cherie Jeffries.