Playa Linda Beach Resort ta hiba su normanan di housekeeping na un nivel mas halto. E ta un team excelente caba di room attendants cu a refina nan abilidadnan door di participa na un curso di entrenamento di un aña largo, culminando den gana reconocimento y gradua recientemente for di Talkabout Certification Program. Playa Linda ta e PROME resort Arubiano pa logra exito di Certified Room Attendant, y asina ta uni na e hotelnan icono manera, Caribe Hilton, Condado Plaza & Intercontinental hotels na Puerto Rico y Barbados The Sandpiper Luxury Boutique Hotel y the Bougainvillea Beach Resort & Timeshare entro otronan.
Playa Linda tin un team di housekeeping supervisors & room attendants excepcional, tur cu a atende tanto e entrenamento oficial y sesionnan interno di coaching. E proceso a permiti e team pa berdaderamente refina e 268 normanan den un camber estilo estudio y e 277 normanna di uno di un camber. E mesun programa aki a keda usa na e proyecto di CHTAEF-Haiti pa train hoben profesionalnan na nivelnan internacional di excelencia den housekeeping. Na final di e periodo di entrenamento, e team a enfoca riba preparacion pa examinacion y recientemente a completa examennan tanto practico como oral. Extraordinariamente, seis room attendants a logra HONORS, cu marcacion di 90% den e examen estricto, unda Luz Marina Duran a logra un sobresaliente puntuahe di 94%. Un adicional 26 miembro di team a logra e status di Certified Room Attendant.
“Nos ta orguyoso di nos Housekeeping team y nan compromiso pa segura felicidad di e huesped su ‘hogar leu di hogar’,” asina Playa Linda su Gerente General Peter van Grinsven a comenta. “E miembronan di e team di Housekeeping nan trabou duro y atencion pa detaye den nan determinacion pa logra e Certificacion aki tabata simplemente inspiracional. Nos tur ta hopi orguyoso di nan y ta aplaudi nan puntuahenan di satisfaccion di huesped cu a mehora hopi, igual cu e tantisimo complimentnan cu nan ta haya riba base diario for di clientenan.”
Executive Housekeeper Ingrid Todd y Housekeeping Assistant Manager Nigaima Ascencion, e liderazgo di e team di Housekeeping na Playa Linda Beach Resort, Aruba, a compromete completamente na e proceso di certificacion y a eleva e normanan como tambe henter e sistema y procedura y procesonan di acontabilidad di nan departamento.
Louise John, President di Talkabout, a comenta: “WOW! Pabien na e team di Housekeeping pa un tremendo logro pa nan mes, nan miembronan, e resort y Aruba en general! E ta uno bon mereci despues di tanto luna di trabou duro y atencion enfoca riba detaye. Hopi gradecido na e semper presente motivadornan denter di Recurso Humano & Servicio na Huesped kendenan a sostene e lidernan di Housekeeping durante cada paso di e proceso!”
Playa Linda Beach Resort ta un timeshare vibrante y independiente den e curason di Palm Beach, e destinacion di vacacion na Aruba. Talkabout a obtene licensia pa un programa di CERTIFIED ROOM ATTENDANT PROGRAM na 2004. E programa ta basa riba normanan internacionalmente estableci pa housekeeping denter di un acomodacion di huesped; combinando benchmarking di industria y normanan colectivo standarisa pa mercadeo y branding di marca na norma di establecimento di 4*+, y e ta regularmente update pa refleha e mihor practica y tendencianan di mercado.
Riba potret aceptando e certificado oficial pa Room Attendant Certification por mira miembronan di Housekeeping hunto cu Executive Housekeeper Ingrid Todd y Housekeeping Assistant Manager Nigaima Ascencion, Director di Recurso Humano Sulaika Kelly y Gerente General Peter van Grinsven.
Tambe reconoci durante e celebracion recien tabata Playa Linda su First Response Team, cual a logra su propio certificacion na Maart.