Playa Linda Beach Resort recientemente a move pa comparti su extra inventario di serbete nobis nobis na fundacionnan local. E resort, den cooperacion cu American Hotel Registry, a haci donacion di varios caha di serbete di baño nobo na un variedad di fundacion, incluyendo Casa Cuna, Rode Kruis, Sticthing Cas di Machi, Cas di Cuido Oasis, Fundashon pa Nos Comunidad, Imelda Hof, Fundashon pa Hende Muher den Dificultad, y Adopt an Addict.
“Tabata un gesto chikito cu nos a scohe pa haci como parti di nos sentido mas amplio di comunidad. Ora nos por comparti cu articulonan cu otronan mester of ofrece nos apoyo na fundacionnan local, hopi biaha nos ta envolvi nos mes,” asina Director di Recurso Humano Sulaika Kelly ta splica. “E ta central den e curason di nos mission, den crea un comunidad na e resort, mientras ta ciudadano responsible den e comunidad mas grandi ey fo, cual nos ta forma parti di nos Aruba.”
Representantenan di cada un di e fundacionnan escohi recientemente a pasa na e resort y busca nan donacion y expresa nan aprecio pa e serbetenan. Articulonan di uzo diario hopi biaha ta den demanda na e fundacionnan cu ta hunga un rol asina valioso den asisti e miembronan mas vulnerable di e comunidad.