E tremendo campeonato HEINEKEN fast pitch den categoria AA dedica na Minguel Tromp y Emelina “Mamai” Loopstok ta yegando su final. E dos ekiponan cu a logra yega final ta Royal Power y Pizza Hut Monsters. Den nan prome 2 weganan diaranson siman pasa e dos ekiponan aki a splits nan serie. Despues cu e mal tempo a pasa playoff por continua y diaranson awor cuminsando pa 7:15pm lo bay tin wega number 3 y number 4 di e serie di best out of 5 pa determina campeon 2016 di Aruba. Champion pitcher Richinell Matos casi sigur lo ta riba monticulo mientras pa Royal Power cu gran probabilidad Jomark Flanegin lo ta habrido. E prome wega ta determinante pasobra e ekipo cu gana esaki lo pone e otro ekipo lomba contra muraya. Pues fanaticada playoff final HEINEKEn di Aruba Softball Bond ta den su recta final. No laga nan contabo pero yega tereno bin apoya bo ekipo preferi.