A cuminsa pone plateau den cercania di scolnan. Y e prioridad ta keda rond di e scolnan. Sr. Marlon Croes, director di DOW ta splica.
Naturalmente den barionan, zona residencial, unda ta desea pa muchanan por hunga ariba caya, ta pone esakinan tambe. Na camindanan principal unda ta rekeri fluho di trafico pa saca lo maximo di e caretera. Claro cu por manda un peticion pa DOW, of e ministerio, unda cu e minister lo mand’e pa DOW. E ora DOW lo sinta hunto cu minister, pa elabora y tuma un decision hunto cua lo bin na remarca pa pone plateau.
E motibo di e plateau den Dakota, cu tabata parti di e embeyecimento, y si wak e profiel di caminda, for di PIUS X bay direccion noord, ta un caminda relativamente hancho. Y e crusada cu tabata tin di Pindastraat/Mispelstraat ta un punto cu tabata tin varios incidente cu a tree cun’e, cu den e diseño a pone e plateau cu a reduci y haci’e mas sigur. Y mirando e hanchura di e caminda, a pone mas plateau pa baha velocidad y aumenta calidad di bida den bario. Te asina leu, Sr. Marlon Croes, director di DOW.