Internacional: E plataforma di medionan social X, conoci anteriormente Twitter, tabata brevemente inaccesibel pa miles di usuario diasabra mainta trempan, segun Downdetector.com, cu ta monitoria interupcion di internet.
Despues di basta ora X a resestablece su servicio, ya cu e reportnan di DownDetector a baha pa 11:30 a.m. ora di Miami.
Usuarionan na Merca a cuminsa reporta problemanan riba DownDetector alrededor di 8’or di mainta, ora di Miami, diasabra. Pa 8:26 a.m., mas cu 25.000 usuario na Merca a raporta problemanan cu e plataforma X riba e app y website pa celular.
Mas cu 11.000 usuario na Europa y den otro pais tambe a informa problema.
Miles di usuario na Latino America tambe a raporta problemanan cu operacion di e plataforma, segun DownDetector.
X a declara na 2024 cu e website tin un promedio di 250 miyn usuario activo diariamente. Musk a anuncia dia 28 di maart cu el a bende X na xAI, su startup di inteligencia artificial.
