Hopi hende kisas no ta na altura cu maltrato di bestia tambe tin su castigo. Sra. Trudy Hassel a splica cu pa hopi tempo cu polis a bin ta adverti, pero awe nos a conose e prome detencion pa cual segun e Plataforma Ley di Cacho ta para tras di e accion aki pa manda e mensage bon cla pa tur hende.
E ley aki ta hopi importante, y casi por bisa cu e detencion aki ta algo simbolico. Pa hopi tempo e plataforma tabata keto, pero nan tabata traha behind the scenes. Pero e plataforma por cuminsa brinda e siguridad y trato humano na animalnan na Aruba. Como plataforma, nan a pasa den un periodo unda polisnan a cuminsa duna advertencia, pa asina e pueblo ta consciente pa ta atento cu nan bestianan, y no tratanan na un manera cruel. Pero tur e tempo cu a duna informacion, di con pa mara e cacho, e looplijn proyect, lamentablemente ainda ta constata cu hopi hende na Aruba cu tin bestia, no ta consciente cu e bestia mester wordo trata debidamente.
Ultimo e plataforma a haya melding di maltrato di bestia, Cuerpo Policial a dicidi di no duna advertencia, pero ta tuma accion pa asina mustra e pueblo cu tur cos den bida, ta basta ora ta di mas. A yega asina leu cu un persona a keda deteni pa maltrato di bestia. Esaki ta para den ley, no solamente den e hondenverordering, pero tambe den e Codigo Penal, ta scirbi cu na momento cu bo ta pone un animal sufri esey ta castigabel, tin ora cu castigo di prizon. TIn hende no ta consciente, pero nan ta sigui cu maltrato animal na Aruba. Kico ta maltrato? Tur circumstancia cu ta wordo mira como maltrato di bestia. E.o si ta mara e cacho na cadena, den solo , sin cu e ta haya awa pa bebe y no ta dun’e cuminda na ora, tur esey ta cay bou di maltrato di bestia. Si e cacho mester bay busca awa of cuminda na otro cas, unda e ta bringa cu otro cacho of hende, tur esey ta cay bou di maltrato di bestia.
Segun Sra. Trudy Hassel, e ta spera cu e mensahe aki ta cla pa un y tur, cu aworaki nan ta basta cu maltrato di bestia.