E plataforma di video Youtube diamars a anuncia cu nan lo lansa un servicio di television online, cu pakete di canalnan “live”, desafiando directamente cable tv y tambe canalnan di television di pago.
YouTube TV a wordo pensa pa e generacion hoben cu ta busca noticia, pelicula y mas programa sin mester di abona na e servicio di cable of satelite, segun Susan Wojcicki, Director Ehecutivo di e plataforma, propiedad di Google.
E servicio nobo aki lo permiti na abonadonan di e mercado Mericano pa tin acceso nan cualkier dispositivo conecta ariba rednan manera ABC, CBS, FOX y NBC, hunto cu “rednan deportivo y decena di otro rednan di cable popular”, segun YouTube.
E lansamento di YouTube TV ta programa pa e proximo lunanan y lo costa mas o menos 35 dollar pa luna,cu seis cuenta di usuario permiti pa abonado, y asina ta posiciona su mes pa competi cu paketenan basico di Sling TV (Dish Network) y DirecTV Now (AT&T).
“YouTube TV ta diseña specificamente pa e necesidad di un generacion nobo di aficionadonan di TV cu kier wak loke nan kier wak, ki ora cu nan kier, manera cu nan kier sin compromiso”. Esaki segun Wojcicki durante un conferencia di prensa transmiti for di e oficinanan di YouTube na California.