Durante di un conferencia di prensa yama pa plataforma di salud Mayra Solognier kende ta coordinadora di promocion di salud di Wit Gele Kruis ta papia riba e 9 foyetonan nobo cu nan a introduci.
Wit Gele Kruis tambe ta forma parti di e plataforma di promocion di slaud, hunto cu seis otro instancia. Segun Solognier nan tin algun folder nobo en conexion cu dia Internacional di Diabetis, cu ta otro siman dialuna y 9 foyeto cu ta specialmente pa esnan cu tin sucu y a wordo treci den un forma nobo. Tabata tin nan antes caba. Tabata uzanan pa mas tanto pa pashentnan den bario, cu ta haya ayudo na cas, for di departamento di wijkzorg y nan colega Matsie van Oers kende ta esun cu a trece nan antes pa su hendenan. Awendia tin e 9 foyetonan cu conhuntamente cu otro instancia kier a presenta nan na tur hende y por mira cu nan ta 9 foyeto cu ta duna hopi informacion. Cada un tin diferente titulo y nan ta trata vooral e partinan caminda cu ta hopi importante pa e diabeticonan pasobra cada un ta trata un parti cu por wak, por ehempel tin complicacion e parti di pia. Por wak tambe e parti di cuminda, e sucu den sanger pa controla esey tambe y e parti cu tin cu paga tino riba movecion, cu ta hopi importante. Cada un tin un titulo, cu nan respectivo contenido. E intencion tambe ta pa e foyeto aki lo wordo uza na tur diferente instancia, vooral na esnan cu ta forma parti di e plataforma. Tambe na tur e dokternan di cas. Ya cu tin e praktijk ondersteunernan tambe cu ta traha cerca e diferente dokternan di cas, ta asina cu nan lo bay haci uzo di esaki pa nan pashentnan tambe. E pashentnan ta hay’e asina, tur e informacion necesario tocante diabetis.