Plataforma di Google ta sufri caida riba e 30 aniversario di World Wide Web

Tecnologia

Miles di persona rond mundo a raporta di tin problema cu e plataforma di Gmail y Google Drive.

Usuarionan a bisa di no por manda email y ni download of upload filenan.

Google a publica den un mensahe unda cu e tabata bisa cu e tabata experimentando loke el a describi como un “interupcion den su servicio”.

Riba e portal Down Detector mas di 2 miyon persona a raporta e problema, di cual e causa ta desconoci.

Ironico ta cu e fayo ta sosode ariba e mesun dia cu World Wide Web ta cumpli 30 aña. Ki miho manera pa celebra door di recorda nos con tur cos tabata ta prome cu internet?

Hopi persona a mustra nan preocupacion ariba rednan social. E compania, di su banda, a skirbi: “Usuarionan afecta por accede na Gmail (y Google Drive), pero nan ta haya un error message y otro comportamentonan straño).

E compania a bisa di cu su ingenieronan tabata trahando ariba e solucion di e problema. Sin embargo, nan no a specifica motibo di esaki.

Na 2016, un problema similar riba e plataforma a afecta miyones di persona y negoshinan rond mundo. E biaha aki, e fayeo a origina na Merca y Reino Uni, pa despues spreid pa otro partinan di e planeta.

 

Comments

comments