CIENCIA
“E exposicion na cierto productonan kimico ta e problema reproductivo number un pa e hende homber”, segun cientifico Australiano.
Dos investigadornan Australiano di e Universidad di Melbourne, Andrew Pask y Mark Green, a afirma cu cierto kimiconan haya den plastic ta culpabel di e tamaño di e genitalnan masculino ta bira mas chikito y cu cada biaha mas mucha homber ta nace cu defecto di e organo aki.
Segun The Sydney Morning Herald, e investigadornan a basa nan conclusion den e estudio di animalnan exponi na e sustancianan kimico nan aki, como tambe e analisis di datonan humano cu ta mustra cu e tasa di hipospadia (un anomalia congenito di e penis) a aumenta dobbel na Australia.
Segun Pask, e kimiconan cu por afecta di tal manera na e humanonan ta BPA, e ftalato (ambos haya den plastic), paraben (den pastanan dental y productonan di beyesa) y atrazine (un herbicida). “E exposicion na e productonan kimico ta e problema reproductivo number uno pa hende homber”, e investigador a señala.
“Ora cu e tasanan ta duplica, no por ta defecto genetico: nan ta tarda varios aña den propaga a trabes di un poblacion. P’esey nos sa cu e ta di origen ambiental”, Pask a bisa.
Di mes manera, e cientifico a bisa cu e estudionan ta mustra cu e exposicion na sustancianan kimico conoci como interuptornan endocrino por reduci e tamaño di e penis, aunke ainda no ta existi datonan na nivel di poblacion cu ta respalda e vinculo aki,
E articulo ta destaca cu e reguladornan di gobierno di e pais ta descarta e relacion entre e kimico y e salud humano, mientras cu otro cientificonan ta sugeri cu ta posibel cu e ta existi. Algun plastic, segun e nota, por libera sustancianan kimico cu ta parce e hormonanan sexual. Den estudionan haci ariba nivelnan, e exposicion na esaki por causa problemanan reproductivo, mientras cu pa aworaki no a demostra cu a afecta e humanonan.