Durante di un bishita na trabounan na Plasa Padu diabierna pasa, Rene Herdé y coleganan di e fraccion di AVP a keda impresiona cu e bunitesa di e plasa y contento cu el a keda cla na tempo. “E celebracion di dia 18 di Maart awor lo ta sin duda masha special e aña aki. E rendimiento di honor na e tres autornan di nos Himno Nacional, Aruba Dushi Tera, den e forma permanente aki, ta haci e celebracion uno masha special. E himno y su autornan ta den nos curason caba. Cu Plasa Padu y e estatua di Rufo Wever, Padu Lampe y Lio Booi, ta sigura cu nan ta keda den memoria nacional di Aruba pa semper!”