Awor YMCA ta conta cu un directora nobo, den persona di Rachel Croes, kende ta splica mas ken e ta y kico ta e plannan pa e centro aki.
Desde hoben Rachel Croes tabata interesa pa traha cu mucha y cu hoben. El a haci un estudio di 2de graads lerarenopleiding biologie. Despues el a haci un mastersopleiding di jeugdstudies, cu ta gericht riba beleid y onderzoek. E ta un persona hopi motiva pa wak cambio den sociedad, dirigi riba investigacion y cifra. E por bisa cu por yega hopi leu si enfoca riba esaki y duna otro un man.
Plan
Croes a splica cu pa loke ta su plannan pa YMCA ta riba tereno personal, ta pa siña conoce e organisacion miho, interno mirando con e procesonan ta bayendo cu e diferente proyectonan cu ta bezig ta introduci na comunidad. A base di esaki tambe kier haci investigacionnan pa wak problemanan cu tin pafo y wak con por sigui yuda e hobennan,e muchanan tambe, riba e area social, riba nan desaroyo pero tambe pa combati diferente problemanan cu tin, el a splica.