Sra. Gisela de Cuba ta elabora un poco ariba e Plan Strategico Nacional 2019- 2022, caminda cu nan a invita diferente departamentonan di gobierno y NGO’s. A manda casi 140 invitacion pa cu e presentacion aki. Tabata tin hasta personanan di Staten, cu tin un Bijzondere Commissie di STG, algun di nan tambe tabata presente na e presentacion aki.
E idea di e presentacion tabata pa cada grupo presenta nan ideanan, pero departamento di Asuntonan Economico tin un Concept Vision cu a wordo presenta na e invitadonan. Cada mesa tabata tin un acelerator y na cada mesa tabata tin personanan di Expert Group y e personanan di IWG cu ta esunnan cu ta handle cu e data, cu ta pasa e proceso di splica kico tur a haci, unda kier yega y ta spera e input, e feedback di NGO’s pa asina por sigui cu e plannan.
Departamentonan di Asunto Economico ta trahando duro ariba e Plan Strategico aki, pa asina por keda cla. Asina cu e ta cla, lo pasa pa Conseho di Minister, cu lo mester duna su aprobacion y asina cuminsa cu su implementacion, segun Sra. Gisela de Cuba, di Departamento di Asuntonan Economico.