SEOUL, Corea del Sur – Presidente Mericano, Donald Trump a purba di bishita e zona desmilitarisa entre Noord y Zuid – Korea diaranson mainta. Pero e vuelo aki a wordo forsa pa bira bek pa motibo di mal tempo.
Trump tabata abordo di e Marine One na caminda pa e Zona Desmilitarisa, pero esaki a keda cancela despues di 18 minuut di vuelo.
President Surcoreano, Moon Jae- in tabata planea tambe pa join Trump, den muestra di unidad, segun secretario di prensa, Sarah Sanders. E bishita en conhunto lo tabata e prome bishita di un president Mericano y Surcoreano na e zona desmilitarisa. Sanders a catagolisa e bishita aki como uno historico.
Trump a sinti frustracion y tambe desapunta pa motibo di e cancelacion. E biahe ta uno cu a wordo planea cu hopi cautela y silencio. 1