Plan di Mayor ta celebra e prome Plan di Mucha. Dia 21 di november 2023 a aproba unanimamente e ley di Plan di Mayor den parlamento di Aruba. Ley di Plan di Mayor ta encera cu mayor di e yiunan menor di edad cu ta bay separa of divorcia ta obliga pa ley pa traha un documento legal yama “Plan di Mayor” caminda nan lo stipula con nan lo bay comparti e responsabilidadnan p’e yiunan.
Plan di Mayor ta traha basa e.o. riba e tratado internacional di derecho di mucha articulo 12; unda cu ta indica tur mucha tin derecho di wordo scucha, riba nan precoupacionan, deseo y necesidadnan.
Dia prome di maart 2024 e ley Plan di Mayor ta bay na vigor. E mayornan ta wordo manda na Plan di Mayor door di corte di Aruba of por ‘walk in’ pa por haci un intake gesprek caminda e profesional lo indica den ki fase di conflicto e mayornan ta encontra nan mes y lo referi e mayornan n’e intervencion cu mas ta pas pa nan situacion.
Fase 1: Mayornan ta comunica cu otro bon y nan mes por traha e plan di mayor y entrega esaki na corte.
Fase 2: Mayornan tin un tiki problema pa comunica cu otro y lo wordo recomenda na un “familie mediation” cual ta encera 5 “oudergesprekken” y 1 “kindgesprek” y asina por yega na un Plan di Mayor y Plan di Mucha. E trayecto tin un duracion di maximo 6 siman.
Fase 3: Mayornan no ta compronde otro y ta encontra nan mes den un separacion compleho, pa nan ta recomenda e intervencion “ouderschapblijft”, y den un trayecto di maximo 9 luna por yega na un Plan di Mayor y Plan di Mucha.
Plan di Mayor ta marca historia na trece ayudo pa famia durante y despues di un separacion, cu intervencionan enfoca riba e mayornan y intervencio enfoca riba e mucha. Un mayor bo ta keda pa semper, hasta despues di un separacion.
Plan di Mayor ta situa na Sabana Blanco 68-c na Centro pa Hoben y Famia. Pa cualkier informacion por tuma contacto na 5281200/ 5281214 of e-mail na [email protected] of riba e webiste na plandimayor.org