Plan di desmantelacion di ekiponan bieu na WEB ta sigui

Mas o menos dos siman pasa, hendenan cu a pasa banda di WEB por a tuma nota cu nan ta desmantelando un di e cuater Smoke Stacks, cual ta parti di un plan di desmantelacion. WEB tin un plan strategico pa segun den curso di añanan, nan bay over riba 100% produccion di awa via SWRO, y 100% produccion di energia via e motornan RECIP.

Poco poco WEB lo ta bay tin ekipo cu no ta den operacion mas, pero sigur tambe cu ta hopi bieu y anticua.

#Entrevista WEB ta continua cu su plan di desmantelacion

Posted by MasNoticia.com on Friday, October 16, 2020

E desmantelacion di un di e cuater tubonan cu a tuma luga ultimo ta parti di e desmantelacion cu ta tumando luga. Segun WEB ta sigui construi e plantanan nobo, aworaki vooral nan ta ocupa cu RECIP fase 4, pero awor lo cuminsa pronto cu e proceso pa e di tres planta di SWRO. Segun nan ta progresa cu construccion di e plantanan nobo, nan ta progresa tambe den desmantelacion di ekipo bieu. Lo por tuma nota cu lo bini mas desmantelacion di ekipo e temponan venidero.

Nan a cuminsa aña pasa cu e proceso di desmantelacion, y esaki por dura ainda te cu otro aña pa nan keda cla.

Comments

comments