Recientemente chauffeurnan di autobus a tene un reunion cu Minister Chris Romero, cual segun Sra. Lisette Winklaar a bisa di a bay hopi positivo.
E chauffeurnan a haya preto riba blanco cu dia 11 di maart lo cuminsa cu e proceso di baño den Carnaval Village, unda cu chauffeurnan di autobus lo por haci uzo di dje den Carnaval Village. Y tambe e nummerplaat lo bay bek na Afls. 640, – pa esunnan di 11 asiento. Pa loke ta otro asuntonan di belasting, esey ta keda pendiente.
Nummerplaat
Pa hopi aña e pago di number di auto, e tabata Afls. 650,- y despues a subi’e pa Afls. 940,- pa busnan te cu 11 asiento. Y ariba 11 asiento tin cu paga e suma di Afl. 950,- te cu 13 asiento y ariba 13 asiento ta Afls. 1800,-. Es decir, tur e prijsnan lo bay bek na e tarifa regular. Y tur esunnan cu a paga Afls. 940,- lo bay bek na Afls. 640,- y aki dos siman nan lo haya sa si nan lo haya placa bek of e tarifa ta conta pa 2020.
BBO
Tocante e BBO, ta haciendo algun investigacion y ora cu nan ta asina leu, nan lo bay bek minsiter pa sigui delibera ariba e asunto aki.
REUNION
Aki dos siman, chauffeurnan di autobus lo mester tuma contacto cu e minister bek. Y pa locual ta e ocho autobusnan cu lo mester bay core ruta di Noord, Sra. Winklaar a bisa cu esaki ta un pendiente un rato ya cu TNO ta haciendo un investigacion, cu lo mester determina si ta 8 of e por bira mas.
MERCADO DI ARUBUS
Mirando cu Arubus ta considera e ruta di Noord como nan mercado, Sra. Winklaar a bisa cu si Arubus ta traha manera mester ta, lo no tabata tin tanto taxi pirata ta coriendo ariba e ruta aki. Pero aworaki nan ta en espera di e resultado di investigacion di TNO pa wak cuanto Arubus lo core e ruta di Noord y ki tempo ta cuminsa. Por ultimo, Sra. Winklaar a bisa cu p’aworaki nan ta ta satisfecho cu resultado di reunion cu Minister Chris Romero.