Playoff HEINEKEN di Aruba Softball Bond dedica na Minguel Tromp y Emelina “Mamai” Loopstok den su recta final. Diaranson awor Aruba lo conose su campeon 2016. Royal Power kendenan desde 2004 te cu 2015 a hunga den “tur” final di softball fast pitch cu un total di 11 titulo di campeon y 1 sub campeon actualmente ta lomba contra muraya. Pizza Hut Monsters kende e aña aki a bin todo por todo hunto cu nan champion pitcher di campeonato Richinell Matos a logra kita 2 wega den e serie di best out of 5 for di Royal Power. Ambos partido Pizza Hut Monsters tabata perdiendo drentando ultimo inning y ta rally pa bay cas cu e victoria. Serie actualmente ta 2-1 y pues cu 1 victoria pa Pizza Hut Monsters den e promer wega diaranson anochi programa pa cuminsa 7:15pm Pizza Hut lo celebra nan prome titulo den historia di softball organisa como campeon di Aruba. Pero cu u derota Royal Power lo forsa un wega final. Wega final lo por ta mesun diaranson si e tempo permiti. Si e promer wega caba despues di 11pm lo no cuminsa un wega nobo y e wega decisivo lo wordo forsa pa diabierna. Fanaticada e campeonato oficial di softball ta den recta final cu un tremendo serie. Bo ta keda cordialmente invita diaranson awor na Kudawecha pa bin apoya Bo ekipo preferi.