Sra Sheila Tromp cabesante di Pius X School na Dakota a duna di conoce cu nan ta e prome scol cu a cuminsa cu e proyecto di prinses laurentine. E prome debate di e muchanan unda a bay na diferente compania den nos comunidad y Pius X a gana e brons award y asina a bay Hulanda cu Divi y a haya e premio y den e raad van kinderen e compania ta adopta e scol pa tres aña como conseho di mucha unda ta scucha ambos banda. Sra Sheila a duna di conoce cu semper nos scol tabata kier a haci e muchanan mas agradabel door di pone airco pero e forsa tabata poco dificil, e coriente y tur esei ta costoso y for di Gobierno a haya un conseho e tempo aya y a wordo para y kita for di e plan. Un propetario di Divi a saca un man y gradici e scol cu a duna su hotelnan un bon nomber afo y asina a sinta na mesa y el a bisa cu e kier haci e scol full airco. Awor cu tur e localnan tin airco sra Sheila a duna di conoce cu tin un trankilidad enorme y saludabel unda holornan di huma stof no ta un molester mas, e docentenan a ripara cu e muchanan ta mas atento awor den klas y bo ta haya mas dushi y e dia ta bay mas suave. Hopi biaha nos tin cu bati porta cerca comerciantenan pa yega na algo y tin biaha e ta dificil y aki tin prueba di un comerciante cu a kere den nos muchanan y e scol y a contribui na un suma grandi.