Pitbull blanco ta ranca bumper di pickup por completo na Simeon Antonio

Doño di un pickup a haya un sorpresa masha desagradabel diabierna, ora cu e el a bin topa cu un pitbull color blanco ta destrosa bumper di su pickup, rancando esaki por completo. Segun e doño di e auto, e tabata den su cas ora el a scucha un zonido pafo y ora el a bay mira, el a nota un pitbull banchi cora, ta ranca e bumper di su auto. Ora cu el a grita e cacho, esaki a core bay. E doño a yama polis pa asina haci nan investigacion. Segun nan pensamento, posiblemente e cacho lo tabata buscando un pushi cu por a sconde den e auto. Awo e trabao ta bay sinta pa busca e doño di cacho pa asina e para responsabel pa e dañonan ocasiona pa e cacho.

Comments

comments