Diaranson atardi polis y ambulans cu urgencia a keda manda pa Dr. Schaepmanstraat na San Nicolas unda un pitbull a ataca y morde un mucha muhe bou 18 aña. E mucha muhe a keda malamente mordi na su mannan y pia door di e cacho. Gritonan tabata sali for di e cas, sanger tur caminda. E habitanenan a cera e cacho den e cas. Paramedico a atende cu e mucha y cu urgencia a hiba e mucha muhe pa Centro Medico pa haya atencion medico avansa.