E pistol di awa aki contra candela ta permiti pa traha un buraco den un muraya di cement, hero y hasta glas blinda pa facilita e labor di bomberonan.
E sistema PyroLance ta bombardea un mescla di awa y granit, y asina ta traha un buraco di e tamaño di un petit pois (erwt). Ta tuma e bomberonan 20 pa 30 seconde pa traha un buraco den e muraya. Una bes cu a traha e buraco, awa ta keda basha dor di dje.
E tecnologia aki ta yuda e bomberonan pa baha e temperatura un poco, prome cu nan drenta den un luga na candela. Posiblemente e temperatura lo baha entre 65 grado C te cu 90 grado C.
MIlitarnan Mericano ta uza e sistema aki tambe den avionnan y barconan militar.
E Fuerza Aereo a cumpra 193 unidad pa evita candelanna di horanan largo manera cu esun di e colision di un B-2 na Guam, na 2008.
Combati canela cu presion halto no ta un concepto nobo. E ta un tecnica uza pa bomberonan pa decadanan largo caba. E capacidad di corta muraya cu PyroLance ta brinda mas siguridad na e bomberonan ora cu nan drenta den un luga cu ta na candela.
Fuente: http://cnnespanol.cnn.com