Largura di nos pista di aterisahe na aeropuerto ta suficiente, teniendo cu e avionnan a bira mas moderno, segun Jurgen R. Benschop, Chief Operations Officer na aeropuerto. E tipo di avionnan cu ta bin akinan ta mas eficiente y ta uza menos pista pa lanta. Esey ta haci tambe cu e largura di nos pista awor aki ta cumpli cu e demandanan internacional pa por acomoda vuelonan na tur destinacion for di Aruba.
Benschop ta sigui splica cu awor aki tin total ongeveer 20 posicion pa para avion, di cual 8 ta na slurf. Kiermen e otronan ta wordo gebussed. Tin un total di 7 bus. A caba di haya 2 bus nobo luna pasa. E busnan ey ta pa por brinda tur e aerolineanan e servicio mas lihe posibel ora di yegada y ora di salida, segun Benschop.
Pa loke ta terminal, esaki ta birando chikito. Por wak cu a caba di amplia e sala di yegada di imigracion. Cual a keda un proyecto hopi bunita, cu ta bezig ta acomoda e fluho di pasaheronan na un manera mas eficiente cu un miho calidad di servicio. Esey ta pensa cu por hiba nos den e proximo 10 pa 15 añanan sin problema.
Awor akinan ta enfoca riba e check in area y e security checkpoint cu ta birando un bottle neck. Tin 3 security lane awor aki cu ta echt un bottleneck cu hendenan ta wordo pasa manera den un trechter, caminda cu nan tin cu drenta paden. Ta algo cu nan tin cu traha riba dje hopi lihe, segun Jurgen Benschop.