MAASSLUIS, Hulanda- Un piscina Hulandes a hay’e obliga pa tuma personal di siguridad adicional den servicio pa vigila e luga den oranan di anochi. Esaki ta pa motibo di e menasanan ricibi despues di cu e ultraderechista Geert Wilders a denuncia ariba su cuenta di Twitter cu e centro ta ofrece les di landamento na muhenan Musulman.
“Tur esaki ta fabia di Geert Wilders”, e gerente di e piscina Dolf-fijn, na Maassluis, Richard Ritmeester a lamenta.
E piscina Dol-fine na Maassluis ta permiti Islam haci su mesun actividad a traves di cursonan pa muhenan inmigrante, pa cual ta filtra e bentananan di e piscina cu cortinanan special. “E les ta solamente pa muhenan inmigrante mayor di 16 di aña. No tin les durante vakantie di scol, dianan nacional of Ramadan”, un publicacion cita den e mesun tweet di e politico publica na comienso di siman.
E politico ultraderechista ta defende e prohibicion di Coran, e deportacion di e fundamentalistanan Islamico, e prohibicion di e uzo di Burka y ceramento di e scolnan Islamico na Hulanda.
E piscina a modifica su publicidad, considerando cu e por “crea confusion” y el a specifica cu ta trata di “lesnan priva solamente pa muhenan” destina pa personanan di “tur clase di nacionalidad”.
E strategia di mercadeo a atrae hopi atencion y e piscina a bolbe cuminsa ricibi menasanan, haciendo e situacion bastante tenso, tabata palabranan di e mesun gerente.
Fuente: http://www.noticiasrcn.com/