Play Off HEINEKEN fast pitch di Aruba Softball Bond dedica na Minguel Tromp y Emelina “Mamai” Loopstok ta den recta final. Diaranson anochi lo bay tin 2 tanganaso riba veld di Kudawecha. Cuminsando pa 7:15pm e gran final den A-Klas entre Piratas vs Celebrities lo tuma lugar den nan wega number 2 di e serei di best out of 3. Piratas di Richard Marrero ta ariba 1-0 den e serie y ta buska manera pa pika ariba 2-0 cu un victoria yegando mas cerca pa saboria un titulo despues di ta hungando como 3 aña consecutivo den final mientras di banda di e muchanan di Esy Kelly esta Celebrities nan a splica cu soñar nu cuesta nada y nan lo tey manera un clabo pa empata e serie. Den di 2 wega cual ta riba schedule pa cuminsa 9pm lo bira un wega super interesante. Spuiters MIPA y Balashi Premuim number 3 y 4 di campeonato ta empata 1-1 den nan serie di best out of 3. Pues e wega di diaranson awor ta un wega crucial unda e ganado ta sigui pa e sigiente serie y e perdedor lamentablemente mester bisa ayo na temporada 2016 y prepara bek pa temporada 2017. Fanaticanda di softball fast pitch ta keda cordialmente invita pa bin apoya bo ekipo preferi. Softball fast pitch den su gloria.