MALTA – E piratanan aereo cu a secuestra y desvia un avion Libio pa Malta diabierna, a rindi despues cu nan a libera tur e pasaheronan y e miembronan di tripulacion, e prome minister Maltes, Joseph Muscat a anuncia.
“E piratanan aereo a rindi, nan a wordo registra y deteni,” Muscat a tweet. Despues di tres ora di secuestro, un total di 109 pasahero, a wordo libera di e avion Libio di e compania Afriqiyah Airways, secuestra y desvia pa e aeropuerto di Malta, e prome minister Maltes a anuncia.
Un prome grupo di 25 muhe y un baby a bordo a wordo libera y minuutnan despues varios grupo mas te cu un total di 119 persona, Muscat a indica riba Twitter. Den e avion tabata biaha 111 pasahero y 7 miembro di tripulacion.
Segun un coresponsabel di AFP na e luga, e pasaheronan a descende di e avion di forma calmo, son core, ni grita. E negociacionnan cu e secuestrador a wordo gestiona pa e hefe di ehercito Maltes.
E avion procedente di Libia secuestra diabierna mainta cu 118 persona abordo, a aterisa riba Malta despues di a wordo desvia di su ruta original.
E avion reteni cu a baha diabierna na Malta ta propiedad di Afriqiyah Airqays a efectua un vuelo domestico entre e ciudadnan di Sabha (zuid) y Tripoli.
“E servicionan di siguridad ta coordina e operacionnan,” e prome minister, Joseph Muscar, a skirbi riba e red social Twitter.
E aparato cu a transporta 118 persona, entre nan 7 miembro di tripulacion, lo a wordo nota riba un pista rodea di militar. Tur vuelo na e aeropuerto di Malta a wordo anula.
Fuente: El Colombiano