Diamars pasa di 12 or marduga varios persona tabata mira un avion chikito blanco tabata bula riba Aruba parti di playa te cu airport y despues subi lama pazuid y dal bueltanan sospechoso. E jet tabata bula basta abou 4 biaha y na final esaki a logra aterisa riba un velocidad. Te hasta polisnan na warda di Playa a mira e avion pasa riba nan basta abou y informa central.
Ciudadanonan riba Camacuri tambe a raporta di e caso debi cu e avion a bula basta abou mes. Polis a mobilisa pa e sitio y cu personal di seguridad di airport a yega na e Jet N834MM, y e Piloto y Co-Piloto a keda deteni. Nan tabata tin mask bisti y polisnan tambe a yega riba nan cu mask. Na warda di Playa personal di ambulance a controla ambos persona cu cautela y despues a bay cu nan paden y interogacion tuma luga. E avion aki tabata biniendo for di Latino America direccion pa Venezuela/Caracas y pabou Aruba supuestamente a haya problema cu fuel pero ni toren di Hato Curacao y Aruba tabata na altura. Nos a busca informacion di biaha debi cu e toren di Aruba tabata cera e momento ey ni toren di Curacao Hato nan no a contacta.