HELSINKI, Finlandia- Debi na e forsa cu e porta a habri, algun parti di su curpa a wordo manda pa mas di dies meter di distancia for di e avion.
Den e airport di e localidad Finlandes di Kittilä, un piloto di avion a muri despues di a wordo placha pa e porta di su avion, segun medionan local.
E suceso a tuma luga diahuebs atardi, ora cu e capitan di un avionn priva tipo Gulfstream G150 tabata prepara pa drenta den e cabina y e porta a los derepente ariba e piloot.
E capitan di e avion a ricibi e prome auxiilio, pero el a fayece poco despues debi na e gravedad di su heridanan.
Identidad di e piloot no a wordo revela, pero medionan local a raporta cu ta trata di un ciudadano Aleman di 50 aña. E Gulfstream G150 ta propiedad di e compania Austriaco Skyline Aviation, pero ta registra na Ucrania. E avion a yega Kittilä procedente di Moscú y tabata preparando pa sigui cu su biahe pa otro ciudad Ruso, Ekaterimburgo.
Na momento di e accidente, algun miembro di e tripulacion tabata den e parti paden di e avion caba, aunke cu investigacionnan preliminar ta indica cu e porta a los pa motibo di un fayo tecnico. Ademas, debi na e forsa cu cual e porta a habri, algun di e fragmentonan di e porta a bay cay na mas di 10 meter di distancia.
Fuente: https://actualidad.rt.com