Pilgrim’s Pride ta retirando mas di 58 mil liber di chicken fillet pa posibel contaminacion door di rubber. Taylor Farms tambe a retira 2100 liber di galiña cu foutnan di etiketa, cu tabata contene un substancia conoci pa duna alergia.
E companianan a join Perdue Foods y Tyson Foods Inc. e siman aki den retira productonan di galiña. E Departamento di Agricultura a anuncia e ultimo retironan ariba diabierna y diasabra.
E retiro di Pilgrim’s Pride ta pa chicken filletnan curu produci ariba 4 di januari. E galiña a wordo manda pa Publix Super Markets na Florida pa su servicio di cuminda rapido.
E compania a descubri e problema riba diaranson despues di cu’n empleado a ricibi un keho di un cliente cu a haya rubber den su galiña. No tabata tin informenan di reaccionnan alergico di parti e publico cu a come e galiña, según USDA.
E retiro ta afecta paketenan cu e codigonan 9004101000, 9004101001 y 9004101012-9004101022. E productonan deriva di galiña tin e nr di establecimento P-7091A den e seyo di inspeccion di USDA.
Cualke persona cu a cumpra e galiña mester benta esaki afo of trece bek na e tienda, segun USDA.
E retironan di Taylor Farms ta pa e HEB roasted Roasted Spaghetti Squash cu Alfredo & Chicken, cu incorectamente tabata marca como Chile Relleno y tabata tin trigo den dje, cual no tabata aparece ariba e label. Wheat ta conoci pa causa alergia.
E retiro ta pa e paketenan di 10 ons cu e label “HEB-MEAL SIMPLE CHILE RELLENO” cu fecha di vencimento Feb. 4, Feb. 5, Feb. 7, Feb. 8 y Feb. 9 y codigo di lote TFD025AU4, TFD026AU4, TFD028AU4, TFD029AU4 y TFD030AU4.
E productonan di galiña, cu a wordo produci ariba varios fecha entre Januari 25 – 30, tin e number di produccion EST. 34733 riba e container. E articulonan a wordo manda pa centronan di distribucion y tiendanan na Texas.
E compania a descubri e problema ariba diabierna. No tabata tin informe di reaccionnan alergico di cualke hende cu a come di e productonan cu labelnan fout.