Internacional: E compania Merck a haya aprobacion di emergencia na Rey Uni pa asina por usa nan pilder pa COVID-19. Mesora e compania Pfizer a duna nan comentario.
E compania Pfizer a informa cu su pildernan pa trata Corona Virus ta reduci e riesgo di bay hospital y of muri.
E posibilidad di e pilder ta 89% basta cu e wordo tuma dentro di 3 dia ora e sintomanan desaroya. Den un estudio caminda mas cu 1200 pashent, a participa caminda nan tur tin un of otro malesa extra, usando e pilder di pfizer grandi mayoria a keda sin bay hospital compara cu otro metodo cu a keda usa.
Niun pashent cu a usa e pilder a fayece. Si por bisa den e otro metodo cu a keda compara, 10 pashent a muri. E CEO di e compania, Albert Bourla, a informa cu si e pilder keda aproba, e ta sigura cu e por baha cantidad di hende cu ta bay hospital di 9 pa 10.
Tin di bisa si cu e pruebanan aki ta den e fase inicial y mester haci algun test mas segun algun experto. Di otro banda e compania Merck si a entrega su peticion cerca FDA pa wak si por haya aprobacion na Merca, tin indicacion cu pa december nan por logra haya esaki. Pa loke ta Pfizer, tin cu keda pendiente pa mas resultado pero e tin cu confirma cu e biaha aki no ta prome den aprobacion di e pilder manera su vacuna.