DEN HAAG – Pieter Heerma ta e lider di fraccion nobo di e partido CDA na Hulanda. E ta reemplasa Sybrand Buma cu den zomer awor ta bira e alcalde di Leewarden. Tabatin basta rumor circulando cu e posicion lo a bay pa e actual secretario di estado Hulandes Raymond Knops, pero esey no a resulta e caso. Ta conoci si cu, un cambio di secretario di estado pa un lider di fraccion di un partido den Tweede Kamer, ta considera como un promocion. Heerma (41) ta den Tweede Kamer desde 2012. Heerma a bisa mesora despues di su nombracion, cu e no tin e ambicion pa bira lider di e partido. “Mi ambicion ta pa lidera e barco den e direccion di e proximo eleccion”.
Heerma a negocia den e formacion di gobierno
Segun Heerman, e hecho di ta lider di fraccion ta un tarea pisa, y cu lo bira mas pisa ainda si ta trata di un fraccion di coalicion, “mas ainda si bo ta trata cu’n clima politico polarisa, cu’n mayoria chikito.
E ta haya cu e ta un bentaha cu e mes tabata un di esunnan cu a participa den e negociacionnan pa forma un gobierno, y “dus mi conoce e reunionnan y tambe e personanan cu a sinta na mesa hopi bon”.
E lider nobo di fraccion a bisa di cu hunto cu otro miembronan di partido kier “traha ariba un pais cu nos lo kier pasa pa e siguiente generacion”.