Den e dianan nos dilanti lo tuma luga e renobacion di e pier di Hadicuari pa cual aki Sr. Clifford Rosa di Centro di Pesca Hadicurari ta splica kico ta bay haci.
A drecha e pier, pa un periodo cortico, pa e piscadonan por a yega na nan botonnan y tambe e otro companianan cu ta haci uzo di e pier, por a yega na e botonan.
E trabao temporario a dura, pero aworaki aki un siman lo bay cuminsa cu e trabao di restauracion di e pier, vooral e partinan cu a haya mas daño of e partinan cu ta hopi zwak. Locual ta warda awo ta si ta bay haci e pier mas fuerte of pone partinan mas fuerte, bou di e pier.
Pa loke ta trata e botonan, tur cos lo cana structura, e beheerder di Hadicurari lo tene cuenta cu esey. E piscadonan semper a coopera, y nan sa cu e ta algo cu ta bon pa nan mes. E lo no ta algo cu lo dura lunanan largo, pa renoba e piernan, aunke cu e dañonan ta grandi.
Segun Sr. Clifford Rosa, ta e motibo ey a laga aña habri y asina e renobacion di e pier ta bira e prome proyecto di aña, mirando cu regularmente Fundacion Centro di Pesca Hadicurari ta traha pa mayoria centronan di Pesca y tin diferente proyectonan andando, na Cura Cabay, na Spaans Lagoen. y tambe na waf di Oranjestad, esaki a keda completamente renoba. Awo a toca turno un biaha mas na e pier di Centro di Pesca Hadicurari, no solamente pasobra di e tempo malo cu a pasa, pero simplemente e parti di mantencion, ta wordo rekeri. For di 2010 a cambia e structura y awo ta bezig ta pone man riba diferente piernan caminda cu tin piscado.
Cada usuario di Centro di Pesca Hadicurari tin un contract cu nan mester atene nan mes na dje y sigur pa loke ta e mantencion di e pier, esaki a bay bon. Ora cu e tempo malo a pasa, hopi piscado a uni hunto y a pone man na obra, ya cu e Fundacion a pone e materialnan disponibel. Unabes cu e piscadonan tin structura, y nan compronde, nan ta haci nan best pa conserva e luga y manten’e manera esaki mester ta.
Sr. Rosa di Fundacion Centro di Pesca Hadicurari a bisa cu e mantencion ta bayendo bon, pero tur cos cu tin di haber cu e piscadonan pa ora nan subi lama, ta e siguridad, p.e., e parti di e radio cu semper ta keda problema. Tin hopi aspecto di siguridad cu e Fundacion ta purba di hisa pa asina nan tin un miho siguridad ora ta subi lama.