Diadomingo algun piscado a pasa den un susto riba tera na momento cu nan tabata hibando nan boto cas. Nan a bay lama mainta pa saca e boto Josy A1286 pa asina hiba cas. Na momento cu nan a pasa e rotonde di Ser’i Teishi y a cuminsa baha e chauffeur di e pickup a sinti cu esaki a cuminsa swing riba caminda y e la perde control riba esaki. E pickup a swing drenta mondi parti zuid di caminda y e boto y trailer a bolter. Den e boto tabata tin 2 persona kendenan a bula for di esaki pa asina scapa nan bida. Danki Dios nan a sali ileso di e situacion aki, ambulance a presenta tog na e sitio pa controla e personanan. E boto, trailer y pickup si a haya basta daño.