Un nissan pickup dobbel cabina a keda horta diasabra marduga dilanti un cas, e doño a entrega keho na autoridad. Pero e mes un marduga di diasabra un pickup asina mes a drenta di reverse y destrui porta na Dijtham y unda dos ladron a horta den e luga. Ta mustra cu antisocial a dicidi na horta un auto di hende pa comete nan fechorianan. E diadomingo anochi e doñonan durante cu nan ta core rond busca nan vehiculo ta topa cu esaki staciona riba acera dilanti un cas den Caya Frere Arnold y rapota na Polis. A bin haya un caha bashi di un mashin, e doño ta notifica autoridad cu e caha ey no ta di dje y esaki por ta indica di e ladronicia cu e malechornan a haci rond a laga esaki atras.
