Diabierna marduga autoridad a keda informa cu rib’e caminda di Rooi Frances net e bocht pa Rooi Taki biniendo fo’i Sabana Basora un vehiculo a dal ranca pal’i luz. Patruya ta presenta y topa cu e situacion peligroso un poste benta riba caminda cu kabelnan di voltahe halto, e pickup destrui unda e chauffeur a keda herida despues di e impacto. Ambulance a prese ta di biaha pa brinda atencion medico, Personal di Elmar a presenta di biaha y a mira e situacion y ainda tabatin coriente riba e kabelnan di voltahe halto y a pidi tur hende mantene distancia te ora cu corta coriente. E trucknan di Elmar tambe a acudi pa e trabounan necesario cuminsa pa pone un poste nobo y core tur kabel bek.
