Diabierna pasa di 11:30 anochi riba LG Smith Blvd pabou di kloes a sosode un accidente unda un pickup a dal basta fuerte tras di un nissan tiida lagando persona levemente herida. E pickup a bandona e sitio lagando e tiida full e parti atras destrui. Polis di trafico tabata presente pa tuma dato, a notifica personal di ambulance unda ambulance a presenta rato despues y paramedico a brinda asistencia na e victima.