Diaranson pasa di 3or ataradi riba Av Nelson Oduber ex Sasakiweg a sosode un accidente unda chauffeur di un pickup a perde control y a cay den e rooi cu tin meimei di caminda. E tabatin basta awa den esaki y e chauffeur a sali levemente herida debi na e impacto fuerte.
Polis tabata presente pa tuma dato. Ambulance tambe a presenta na e sitio pa atende cu e victima. Roadservice a keda encarga cu e seguro pa notifica takelwagen saca e auto for di e greppel.